٨ نصائح مهمة جدًا لمريض السكر في رمضان_ما هي أفضل أوقات قياس السكر في رمضان_٣ أعراض يجب أن يفطر بسببها مريض السكر

توصيات عامة لمرضى السكري في رمضان 

1- مبدأيا كل مريض سكر لازم يكون عنده جهاز سكر عشوائي  ليقيس سكره في أوقات محددة أو لو شعر بأعراض انخفاض أو ارتفاع السكر في الدم 

2- قياس السكر لا يفطر مريض السكر. 

3- مريض السكر اللي بياخد حقن فيتامين ب ١٢ (بيتولفكس أو ديبوفيت أو تراي بي أو غيرهم) ياخدها بعد الفطار و ليس  وهو صايم.

4- مريض السكر لازم يشرب مياة وسوائل  كتير من بعد الفطار حتى السحور ل يتجنب حدوث جفاف مع الصيام و خاصة مع ازدياد درجات حرارة الجو والرطوبة.

5- تأخير السحور حتى قبل الفجر مباشرة وتعجيل الإفطار مهم جدا لمرضى السكر.

6- مريض السكر يفضل لا ينام قبل الفطار بساعة أو ساعتين لأن ده أكتر وقت معرض فيه لهبوط السكر،

 خاصة اللي بياخدوا انسولين والأدوية اللي ممكن تعمل هبوط سكر.

7- مريض السكر اللي لا يقوم بعمل التحاليل السنوية (المتابعة) وفحص قاع العين في خلال سنة قبل رمضان لازم يعملها.

8- أي مريض سكر عنده ارتفاع في وظائف الكلى(الكرياتنين) وهيصوم لازم يعيد التحليل قبل رمضان.

أهم الأوقات لقياس السكر في الدم في وقت الصيام 

1- أول ما يصحى من النوم (مع بداية اليوم)، عشان نعرف هنبدأ اليوم بسكر أد ايه.

2- وقت الظهيرة

3- بعد وقت الظهيرة (ما بين الظهر وما قبل الإفطار)

4- قبل الإفطار مباشرة (أكتر وقت متوقع السكر فيه يكون واطي)

5- بعد الإفطار بساعتين

6- قبل السحور

7- وأخيرا في أي وقت يحس المريض فيه ان سكره واطي أو عالي (أعراض هبوط السكر وارتفاع السكر في أول كومنت) أو أي تعب آخر.

طبعا بنحتاج قياس مرة أو مرتين من دول بالنسبة لمرضى السكر اللي حالتهم مستقرة ومش معرضين لخطر كبير أثناء الصيام 

وبنحتاج قياسات أكتر لمرضى السكر اللي فيه خطورة عليهم مع الصيام (اللي المفروض ميصوموش أصلا) 

أفضل ٣ أوقات لقياس السكر في الصيام 

ج: بداية يوم الصيام وقبل الفطار مباشرة وبعد الفطار بساعتين.

س: متى يحب على مريض السكر أن يقطع صيامه و يفطر؟

١- لو السكر العشوائي وصل ٧٠ أو أقل في أي وقت من نهار الصيام (لو السكر كان أكبر من ٧٠ وأقل من٩٠ لازم نعيد القياس في خلال ساعة).

٢- لو السكر العشوائي وصل ٣٠٠ أو اكتر في أي وقت من نهار الصيام (لأن ده بيشكل خطورة عليه سواء دخوله في غيبوبة أو حدوث جفاف شديد أو جلطات بالقلب وسكتات دماغية).

٣- مع أعراض هبوط السكر أو ارتفاعه أو شعور بالجفاف حتى من غير قياس السكر.

كلمات مفتاحية 

رمضان 

مرضى السكر

الصيام و السكري 

مرضى السكري في رمضان

هل قياس السكر مفطر

أهم الأوقات لقياس السكر في الدم في الصيام